「獅子山下」系列故事係香港人嘅寫照，當中包括好多社會議題，大家關心嘅人同事，呢啲社會議題、事件有時係故事主軸，亦可以係故事嘅背景。儘管有現實參照，我哋都唔一定規限寫實手法處理。亦即係話，唔理你用嘅係寫實主義、黑色幽默、奇詭科幻、警匪推理等等電影類型、手法嚟表現，到最後嘅都會係「我哋大家」有共鳴嘅故事。近年嚟，幾許風風雨雨，「香港人嘅寫照」仲須要我哋繼續發掘、探索，用戲劇嚟記錄。
伯大尼，位於薄扶林，建於十九世紀末，係法國外方傳教會為遠東地區嘅傳教士建成嘅療養院。當年多位傳教士喺伯大尼受到療養得到康復，亦有唔少在此離世。關勤正係一位神學畢業生，佢跟教會傳道人白念良相戀。數年後念良因心臟病不幸離世，勤正背負住呢個秘密為念良喺伯大尼教堂舉辦喪禮。仲未從愛人死亡中走出嚟嘅勤正，喺喪禮中佢難以面對唔知情嘅弟兄姊妹，同埋曾係好友，愛人嘅妹妹–白念恩。呢個死結緊緊咁纏住勤正，但亦因著呢個執念嘅引領，佢睇到伯大尼神父嘅療養工作，並開始從絕望中找尋死亡嘅意義。
伯大尼 Youtube video:
